YA CONVINI EL ALCALDE JOHN DALIPE por primera vez, con el nuevo Local Council for Culture Arts and History (LCCAH), un grupo especial que ya crea bajo na mandato de ley, para preserva, restora y promova el lenguaje chabacano, el historia y cultura del ciudad.
El LCCAH ta encabeza el Alcalde Dalipe y ta composita maga representante desde diferente agencia desde el govierno local y nacional, academia y otro organizacion civico. Este base na Orden Ejecutivo 2023-040 que ya hace sale del April 25, 2023.
Inclujido na discusion durante el junta amo el maga programa y actividad que ay implimenta el consejo especialmente na venedero conducta del Riqueza de Baul artificact collection competition na Mayo 29 y el celebracion del Dia de Fundacion de Chabacano na Junio 23 y otras pa.
Presente durante el junta na City Hall conference room Miercoles aga, el Consejal Vino Guingona, el hefe del Comite de Cultura y Artes na Consejo Local. (photo credits: Kathy Wee Sit)